सिन्धुली । जिल्लामा तीन महिने “विद्युत् जडान”, “केश श्रृंङ्गार तथा सौन्दर्य वेसिक“ तालिम सुरू भएको छ । स्थानीय युवालाई व्यावसायिक सीप प्रदान गर्ने उद्देश्यले सिन्धुलीमाढीमा बुधबारबाट निशुल्क तालिम संचालन भएको हो ।

३९० घण्टा सिकाइने तालिमको मंगलबार एक औपचारिक कार्यक्रमकाबिच जिल्ला समन्वय समिति, सिन्धुलीका प्रमुख कारसाङ लामाले उद्घाटन गर्नुभयो । उपप्रमुख शान्ता कार्कीको अध्यक्षतामा सुरु गरिएको तालिममा जिल्लाभरका ४० जना युवा सहभागी छन् ।  

तालिममा सहभागीहरूले विद्युत् जडानसम्बन्धी प्राविधिक ज्ञान तथा सौन्दर्य सेवा सम्बन्धी आधारभूत सीप सिक्न पाउनेछन् । तालिमको उद्घाटन कार्यक्रममा सामाजिक विकास मन्त्रालयका प्रतिनिधिहरू, स्थानीय जनप्रतिनिधि, प्रशिक्षक तथा प्रशिक्षार्थीहरूको उपस्थिति रहेको थियो ।

तालिम उद्घाटनकी अध्यक्ष तथा जिल्ला समन्वय समिति सिन्धुलीकी उपप्रमुख शान्ता कार्कीले तालिमले स्थानीय युवायुवतीलाई आत्मनिर्भर बनाउन मद्दत पु¥याउने बताउनुभयो । व्यावसायिक सीपको विकास गरेर युवाहरूलाई स्वरोजगार बन्न प्रेरित गर्नु अहिलेको आवश्यता रहेको उहाँको भनाई थियो ।

त्यस्तै, प्रमुखअतिथि समेत रहनु भएका समन्वय समितिका प्रमुख लामाले “विद्युत् जडान तथा श्रंगार, सौन्दर्य सेवाको क्षेत्रमा दक्ष जनशक्ति उत्पादन गर्न यस्ता तालिमहरू अत्यन्त महत्वपूर्ण हुने धारणा राख्नुभयो । स्थानीय स्तरमै रोजगारका अवसर सिर्जना गर्ने यस्ता तालिमले सहयोग पुग्ने उहाँले बताउनुभयो ।

बागमती प्रदेश सामाजिक विकास मन्त्रालयको आयोजना र जिल्ला समन्वय समिति सिन्धुलीको समन्वय तथा सहकार्यमा सञ्चालन गरिएको यो तालिमले स्थानीय स्तरमा स्वरोजगारलाई प्रवद्र्धन गर्ने विश्वास गरिएको छ ।