सिन्धुली । राष्ट्रपति रनिङ शिल्ड प्रतियोगिता तथा प्रथम जिल्ला स्तरीय खेलकुद महोत्सव–२०८१ अन्तर्गत एथलेटिक्सतर्फ एक हजार पाँच सय मिटर दौड प्रतियोगिता सिन्धुलीमाडीमा सोमबार सम्पन्न भएको छ ।

महिला प्रतियोगितामा सुनकोशी गाउँपालिकाले उत्कृष्ट प्रदर्शन गर्दै पहिलो स्थान हासिल गरेको छ । तीनपाटन गाउँपालिका दोस्रो स्थानमा रहँदा दुधौली नगरपालिकाले तेस्रो स्थान प्राप्त गरेको छ । पुरुषतर्फ कमलामाई नगरपालिकाले पहिलो स्थान हात पार्दा, फिक्कल गाउँपालिकाले दोस्रो स्थान र सुनकोशी गाउँपालिकाले तेस्रो स्थान हासिल गरेका छन् । 

त्यसैगरी, सटपुटको महिलातर्फ फिक्कल गाउँपालिका पहिलो, मरिण गाउँपालिका द्रोस्रो र तीनपाटन गाउँपालिका तेस्रो भएको छ ।पुरुषतर्फ फिक्कल गाउँपालिका पहिलो, कमलामाई नगरपालिका द्रोस्रो र तीनपाटन गाउँपालिका तेस्रो भएको छ । 

 

सिन्धुली जिल्ला खेलकुद विकास, समितिकोे आयोजनामा सिन्धुलीमाडीमा आजदेखि सुरु भएको खेल महोत्सव फागुन १३ गतेसम्म सञ्चालन हुने छ । खेल महोत्सवमा भलिवल, फुटबल, क्रिकेट, ब्याडमिन्टन, कबड्डी, कराँते, तेक्वान्दो, म्याराथन र बक्सिङ गरी १० प्रकारका खेलहरु समावेश गरिएका छन् । आयोजककाअनुसार भोली बिहान ८ बजेबाट अन्य खेल प्रतिस्पर्धाहरू सुरु हुनेछन् ।