सिन्धुली । राष्ट्रपति रनिङ शिल्ड प्रतियोगिता तथा प्रथम जिल्ला स्तरीय खेलकुद महोत्सव–२०८१ अन्तर्गत आज पहिलो दिन सम्पन्न कबड्डी महिला प्रतियोगितामा दुधौली नगरपालिका पराजित भएको छ ।

 

कमलामाई नगरपालिका र दुधौली नगरपालिकाबीच भएको प्रतिस्पर्धामा २४–३३ को स्कोरसहित दुधौली पराजित हुँदै प्रतियोगिताबाट बाहिरिएको हो । कमलामाई नगरपालिकाले उत्कृष्ट प्रदर्शन गर्दै नकआउट चरणमा स्थान सुरक्षित गरेको छ ।

 

त्यस्तै, फिक्कल गाउँपालिका र सुनकोशी गाउँपालिकाबीच भएको प्रतिस्पर्धामा सुनकोशीले ३७–४३ को अन्तरले फिक्कललाई पराजित गर्दै नकआउट चरणमा प्रवेश गरेको छ ।

सिन्धुली जिल्ला खेलकुद विकास, समितिकोे आयोजना तथा जिल्ला समन्वय समितिको समन्वयमा सिन्धुलीमाडीमा आजदेखि सुरु भएको खेल महोत्सव फागुन १३ गतेसम्म सञ्चालन हुने छ । खेल महोत्सवमा भलिवल, फुटबल, क्रिकेट, ब्याडमिन्टन, कबड्डी, कराँते, तेक्वान्दो, म्याराथन र बक्सिङ गरी १० प्रकारका खेलहरु समावेश गरिएका छन् । आयोजककाअनुसार भोली बिहान ८ बजेबाट अन्य खेल प्रतिस्पर्धाहरू सुरु हुनेछन् ।