सिन्धुली । स्वतन्त्र विद्यार्थी युनियन (स्ववियु) निर्वाचन सकिएपछि नेपाल विद्यार्थी संघ (नेविसंघ) ले सरसफाई अभियान सञ्चालन गरेको छ । निर्वाचनको क्रममा क्याम्पस परिसरमा भएका फोहोर सफा गर्न नेविसंघ जुटेको हो ।

स्वच्छ वातावरण र सुरक्षाका लागि सरसफाई अभियान सञ्चालन गरिएको नेविसंघका अध्यक्ष भरत विकले बताउनुभयो । भन्नुभयो, “निर्वाचन सकिएपछि क्याम्पस परिसरमा फोहोर थुप्रिएको थियो । हामीले सफा गर्ने निर्णय गर्यौं । सिन्धुली बहुमुखि क्याम्पसमा शनिबार नै सरसफाई गरिसकेका छौँ ।” 

सरसफाई अभियानमा नेविसंघका विद्यार्थी नेता र समर्थकहरूको समेत सहभागिता छ । उनीहरूले क्याम्पस परिसर क्षेत्र सरसफाइ गरेका हुन् । स्थानीय प्रशासन तथा क्याम्पस प्रशासनले नेविसंघले गरेको यस कार्यको प्रंशंसा गरेका छन् ।