सिन्धुली । नेपाली काँग्रेस सिन्धुली क्षेत्र नं. १ को क्षेत्रीय सम्मेलन शनिबार (२४ फागुन २०८१) तीनपाटन गाउँपालिका–१, बेलघारीमा हुने भएको छ । सम्मेलनलाई विशेष सम्बोधन गर्न काँग्रेसका महामन्त्री गगनकुमार थापा आउनु हुने भएको हो ।

काँग्रेस महाधिवेशन प्रतिनिधि मुकेश घिमिरेकाअनुसार क्षेत्रीय सम्मेलनलाई भव्य र सभ्य बनाउन आवश्यक तयारीहरू तीव्र पारिएको छ । तयारी अन्तिम चरणमा पुगेको उहाँले बताउनुभयो ।उहाँले सम्मेलनमा सहभागी हुन सम्पूर्ण नेपाली काँग्रेसका नेता, कार्यकर्ता, शुभेच्छुक एवं स्थानीय नागरिकलाई उपस्थित हुन आग्रहसमेत गर्नुभएको छ । 

सम्मेलनका क्रममा क्षेत्रीय संगठन सुदृढीकरण, पार्टी नीति तथा आगामी रणनीतिबारे छलफल हुने जनाइएको छ ।