सिन्धुली । नेपाली सेनाले महाशिवरात्री तथा २६२ औं सेना दिवस–२०८१ को अवसरमा ऐतिहासिक हरिहरपुरगढीदेखि सिन्धुलीगढीसम्मको एकीकरण पदयात्रा सम्पन्न गरेको छ । फागुन ७ गते हरिहरपुरगढीदेखि सुरु भएको एकीकरण पदयात्रा बुधबार सिन्धुलीगढी पुगेर सम्पन्न गरेको हो । 

नेपाली सेनाको भवानीबक्स गण र ९ नं. बाहिनी अड्डाअन्तर्गतका युनिटहरूको सक्रिय सहभागितामा सम्पन्न पदयात्राको मुख्य उद्देश्य नेपाल एकीकरणका क्रममा प्रयोग भएका ऐतिहासिक पदमार्गहरूको पहिचान, संरक्षण तथा संवद्र्धन गर्नु रहेको थियो । 
नेपाली सेनाको ४५ जनाको टोलीले ऐतिहासिक हरिहरपुरगढीदेखि सिन्धुलीगढीसम्म (७५ किलोमिटर) आठ दिनमा पदयात्रा गरेका प्रमुख जिल्ला अधिकारी लीला प्रसाद शर्माले जानकारी दिनुभयो ।

उहाँकाअनुसार हरिहरपुरगढी गाउँपालिका–१ स्थित ऐतिहासिक हरिहरपुरगढी किल्लाबाट एकीकरण पदयात्रा निस्किएका नेपाली सेनाको टोली जितपुर भिमगड, सेपाह, मरिण गाउँपालिकाको खलंगा, मधुवनी, घ्याङ्लेख गाउँपालिकाको चन्दनपुर, फापरचुली, सुनकोशी गाउँपालिकाको बन्दीपुर, मतानबास, नागीहुँदै कमलामाई नगरपालिका–३ स्थित सिन्धुलीगढी निस्किएका हुन् ।

आठ दिनमा सिन्धुलीगढी आइपुगेका सेनाको टोलीलाई कमलामाई गरपालिका, सिन्धुलीले एक विशेष समारोहको आयोजना गरेर स्वागत गरेको थियो । नगरप्रमुख उपेन्द्र कुमार पोखरेलसहित स्थानीय सरोकारवालाहरूले भव्य कार्यक्रमकाबिच स्वागत गरेका थिए ।

नेपाली सेनाली वर्षेनी गदँै आएको एकीकरण पदयात्राले ऐतिहासिकस्थलहरुको प्रचार–प्रसारमा समेत सहयोग पुगेको नगरप्रमुख उपेन्द्र कुमार पोखरेलले बताउनुभयो । पर्यटन प्रद्र्धनमासमेत सहयोग पुग्ने एकीकरण पदयात्राको प्रशंसा यस्ता कार्यक्रमलाई निरन्तरता दिएर सहयोग पुर्याउन सेनाको टोलीलाई आग्रहसमेत गर्नुभयो ।

नेपाली सेनाले आगामी वर्षहरूमा पनि यो अभियानलाई निरन्तरता दिँदै नेपाल एकीकरण अभियानसँग सम्बन्धित ऐतिहासिक गढी तथा किल्लाहरूको महत्व उजागर गरेर राष्ट्रभक्ति प्रवद्र्धन गर्ने प्रतिबद्धता व्यक्त गरेको छ । सिन्धुलीगढी नेपालको इतिहासमा गौरवशाली युद्धस्थलको रूपमा परिचित छ, जहाँ नेपाली सेनाले अंग्रेज सेनाविरुद्ध अद्धितीय रणकौशल प्रदर्शन गरेको थियो ।