१८९ किलो गाँजासहित चितवनका गाडी चालक सिन्धुली प्रहरीको नियन्त्रणमा
- सर्वदा संवाददाता
- २०८१ मङ्सिर ८ शनिबार
सिन्धुली । सिन्धुली प्रहरीले एक सय ८९ किलोग्राम (किलो) गाँजासहित एक पिकअप (गाडी) र पिकअप चालकलाई नियन्त्रणमा लिएको छ । इलाका प्रहरी कार्यालय भिमान, सिन्धुलीका प्रहरी निरिक्षक टंक बहादुर कार्कीको कमाण्डमा खटिएको टोलीले शुक्रबार साँझ नियन्त्रणमा लिएको हो ।
कमलामाई नगरपालिका–९ चेकपोष्टस्थित वि.पि.राजमार्गमा सवारी साधनहरु चेकजाँच गर्ने क्रममा सो परिणामको गाँजा फेला परेपछि गाँजा बोक्ने पिकअपसहित पिकअप चालकलाई समेत नियन्त्रणमा लिइएको जिल्ला प्रहरी कार्यालय, सिन्धुलीका प्रहरी नायव उपरिक्षक, प्रहरी प्रवक्ता अनिल कुमार खड्काले जानकारी दिनुभयो ।
उहाँकाअनुसार बा.प्र.०३–००१ च २२८० नं. को पिकअपमा फल्स बटम बनाई लुकाई–छिपाई गाँजा बोकेर चितवनबाट हेटौंडा–सिन्धुली हुँदै बर्दिबासतर्फ जाँदै गरेका पिकअप चालक भरतपुर महानगरपालिका–६ बस्ने ३९ वर्षीय शेर बहादुर लामा रहेका छन् । यस विषयमा थप अनुसन्धान कार्य भईरहेको प्रहरी प्रवक्ता खड्काले बताउनुभयो ।
प्रतिकृया दिनुहोस