सिन्धुली । जिल्लामा सकारात्मक यौनिकता सम्बन्धी संजाल सदस्य र सञ्चारकर्मीबीच संवाद कार्यक्रम भएको छ । प्लान इन्टरनेशनल नेपालको साझेदारी, जिल्ला नागरिक संजालको समन्वय र मानव तथा राष्ट्रिय विकास समाज (ह्यान्स नेपाल) को आयोजनामा कार्यक्रम सम्पन्न भएको हो ।

कार्यक्रममा सकारात्मक यौनिकता, यौन तथा प्रजनन् स्वास्थ्य, लैङ्गिकता र लैङ्गिक पहिचान, सहमतीमुलक सम्बन्ध, यौन अधिकार र मानव अधिकार, सञ्चार, प्रविधि र यौन शिक्षा, यौन तथा प्रजनन स्वास्थ्य अधिकार लगायतका विषयमा गहन छलफल गरिएको थियो । सहभागीहरूले समाजमा रहेको यौनिकता सम्बन्धी भ्रम र गलत धारणाहरूलाई हटाउन सञ्चार क्षेत्रको भूमिका महत्वपूर्ण हुने धारणा राखेका थिए ।

संजालका सदस्यहरू, स्थानीय सञ्चारकर्मीहरू र सामाजिक अभियन्ताहरूको उपस्थिति रहेको संवाद कार्यक्रममा सकारात्मक यौनिकता सम्बन्धी जनचेतना अभिवृद्धि गर्नका लागि सञ्चार क्षेत्र र सरोकारवाला निकायबीच सहकार्य आवश्यक रहेको निष्कर्ष निकालिएको थियो ।